देउखुरी समाचारदाता, देउखुरी - अन्तराष्ट्रिय श्रमिक दिवसको अवसर पारेर मजदुरकै घरमा पुगेर राहत वितरण गरिएको छ । दाङको लमही खानेपानी उपभोक्ता तथा सरसफाइ संस्थाले मजदुरलाई राहत वितरण गरेको हो । लकडाउनका कारण ज्याला मजदुरी गर्न नपाएर छाकै बस्न थालेका मजदुरलाई राहत स्वरुप खाद्यान्न बितरण गरिएको हो ।

खानेपानी संस्थाले लमही नगरपालिका वडा नम्बर ३ टिकुलिगढ निवासी रिक्सा चालक गरभु चौधरी र सोही ठाउँकै दिर्घरोगका कारण समस्यामा परेकी कमला चौधरीलाई राहत बितरण गरिएको लमही खानेपानी उपभोक्ता तथा सरसफाइ संस्थाका सचिव सनम पौडेलले जानकारी दिनुभयो । जसमा ५० किलो चामल ,१० लिटर तेल तथा ४ किलो दाल सहयोग गरि बितरण गरिएको थियो ।