देउवा, पौडल र सिटौलाबीचको छलफल सकारात्मक

2020-01-13

काठमाडौं - नेपाली कांग्रेसका सभापति शेरबहादुर देउवा, वरिष्ठ नेता रामचन्द्र पौडेल र नेता कृष्णप्रसाद सिटौलाबीचको छलफल सकारात्मक दिशामा अघि बढेको छ। सभापति देउवा निवास बुढानीलकण्ठमा आइतबार साँझ देउवा, पौडेल र सिटौलाबीच पार्टीभित्र देखिएको विवाद सहमतिबाट हल गरेर जाने निष्कर्षमा पुगेको हो।

आफूहरूसँग परामर्श नै नगरी केन्द्रीय समितिले १४औं महाधिवेशनको कार्यतालिका ल्याएको भन्दै पौडेल र सिटौला समूहको दुरी पार्टी संस्थापनसँग बढेको थियो। सो दुरी कम गर्न सभापति देउवाले छलफल डाकेका थिए।

बैठकमा सहभागी पार्टी केन्द्रीय सदस्य रमेश लेखकका अनुसार सहमतिबाटै अघि बढ्ने निष्कर्षमा छलफल टुंगिएको छ।

'पार्टी वरिष्ठ नेता पौडेल र पूर्वमहामन्त्री सिटौलाबीच सभापति निवासमा भएको छलफल सकारात्मक दिशामा अघि बढेको छ। सहमतिबाटै अघि बढ्ने कुरा भएको छ,' केन्द्रीय सदस्य लेखकले भने।

देउवाले विधान मिचेर विभाग बढाएको, सदस्यता सम्बन्धी धारा निलम्बन गरेको भन्दै निर्णय सच्याउन पौडेल र सिटौला समूहले माग गर्दै आएका छन्।

१४औं महाधिवेशन कार्यतालिका सार्वजनिक, नेपाल तरुण दल र नेविसंघको म्याद थपलगायतका विषयमा समेत पौडेल र सिटौला समूहको असन्तुष्टि छ।

पौडेल समूहको पुस २१ गतेदेखि पार्टी कार्यालय सानेपामा भएको जिल्ला सभापतिहरूको भेलाले सहमतिका आधारमा निर्णय गर्न सभापति देउवालाई सुझाव दिएको थियो।

तीन दिन बसेको भेलापछि सभापति देउवाले जिल्ला सभापतिसँग छलफलसमेत गरेका थिए।




थप समाचार


सनाखत गरेर कोशीमा मुख्यमन्त्री नियुक्त गर्ने सहमति

सनाखत गरेर कोशीमा मुख्यमन्त्री नियुक्त गर्ने सहमति

काठमाडौं । कोशी प्रदेशमा मुख्यमन्त्री नियुक्त गर्नुपूर्व समर्थन गर्ने प्रदेश सांसदहरुको सनाखत गरिने भएको छ । शनिवार सांसदहरुको सनाखत गरिने भएको छ ।  आजै कांग्रेसका केदार ...

कालोमोसो दल्ने अभियान चलाएका दुर्गा प्रसाईलाई नै कसले लगायो कालोमोसो ?

कालोमोसो दल्ने अभियान चलाएका दुर्गा प्रसाईलाई नै कसले लगायो कालोमोसो ?

काठमाडौं : चर्चित व्यवसायी दुर्गा प्रसाईलाई कालोमोसो दलिएको छ । कान्तीपथस्थित होटल एलो प्यागोडामा पत्रकार सम्मेलनको क्रममा उनीमाथि अज्ञात समुहले कालोमोसो दलेको जनाईएको छ । ...

को-कोले दिए संसदीय समितिको सभापतिमा उम्मेदवारी ?

को-कोले दिए संसदीय समितिको सभापतिमा उम्मेदवारी ?

काठमाडौं ।प्रतिनिधिसभाको विभिन्न संसदीय समिति सभापतिमा सांसदहरुले उम्मेदवारी दर्ता गरेका छन् । सत्तारुढ गठबन्धन र नेकपा एमालेबीच संसदीय समितिको सभापतिमा भएको भागवण्डाको सहमति अनुसार आइतबार ...




ट्रेन्डिङ