सन्तोष साहुखलको ए डिभिजन लिगमा सय गोल पूरा

2020-01-09

काठमाडौं - सहिद स्मारक ए डिभिजन लिग फुटबलमा च्यासल युथ क्लब र विभागीय टिम नेपाल पुलिस क्लबले बराबरी खेल्दै अंक बाँडेका छन्।

दशरथ रंगशालामा बुधबार भएको खेलमा च्यासलले पुलिससँग २–२ गोलको बराबरी खेलेको हो। च्यासलका लागि सन्तोष साहुखलले २ गोल गरे। यता, पुलिसका लागि निरकुमार राई र सुमन लामाले गोल गरे।

खेलको पाँचौ मिनेटमा निरकुमारले गोल गर्दै पुलिसलाई सुरुवाती अग्रता दिलाए। तर खेलको १८औं मिनेटमा सन्तोषले गोल गर्दै च्यासललाई १–१ गोलको बराबरीमा ल्याए। उनले बराबरी गोल मात्रै गरेनन् ए डिभिजन लिगमा १०० गोलको कीर्तिमान कायम पनि गरे।

खेलको ४०औं मिनेटमा सुमनले गोल गर्दै पुलिसलाई पहिलो हाफसम्म २–१ गोलको अग्रता दिलाए। खेलको ४९औं मिनेटमा सन्तोषले व्यक्तिगत दोस्रो गोल गर्दै च्यासललाई २–२ गोलको बराबरी दिलाए। बाँकी समयमा गोल हुन नसकेपछि दुबै टिमले बराबरी खेल्दै १–१ अंक बाँडेका हुन्।

बराबरी पछि ५ खेलबाट ८ अंक बनाएको पुलिस लिगको छैटौं स्थानमा छ। पुलिसले २ खेलमा जित, २ खेलमा बराबरी र १ खेलमा हार ब्यहोरेको छ। यता, च्यासलको भने ५ खेलबाट ५ अंक छ। नवौं स्थानमा रहेको च्यासलले १ खेलमा जित र समान २–२ खेलमा हार र बराबरी खेलेको छ।

लिगको शीर्ष स्थानमा भने मनाङ मस्र्याङ्दी क्लब रहेको छ। मनाङको ५ खेलबाट ३ खेलमा जित र २ खेलमा बराबरी खेल्दै ११ अंक छ। लिगको दोस्रो स्थानमा रहेको मछिन्द्रको पनि समान ५ खेलबाट ३ खेलमा जित र २ खेलमा बराबरी खेल्दै १० अंक छ। गत वर्षको संस्करणमा लिगको १३औं स्थानमा रहेको मछिन्द्रको १ अंक भने काटिएको हो।

लिगको तेस्रो स्थानमा भने थ्रीस्टार क्लब छ। उसको ५ खेलमध्ये ३ खेलमा जित, १ खेलमा हार र १ खेलमा बराबरी खेल्दै १० अंक छ। लिगको चौथो स्थानमा रहेको आर्मीको भने ४ खेलबाट ९ अंक छ।




थप समाचार


ज्योति पाण्डेले लिइन् क्रिकेटबाट सन्यास

ज्योति पाण्डेले लिइन् क्रिकेटबाट सन्यास

काठमाडाैं । नेपाली महिला क्रिकेटका स्टार हुन् ज्योति पाण्डे । राम्रो अवसर आएको अवस्थामा आफूलाई ...

वर्ल्डकप क्रिकेट : न्युजिल्याण्डले नेदरल्याण्डलाई दियो ३२३ रनको लक्ष्य

वर्ल्डकप क्रिकेट : न्युजिल्याण्डले नेदरल्याण्डलाई दियो ३२३ रनको लक्ष्य

काठमाडौँ । एक दिवसीय क्रिकेट विश्वकपमा न्युजिल्याण्डले नेदरल्याण्डलाई ३२३ रनको लक्ष्य दिएको छ । भारतको हैदरावादमा भएको छैटौँ खेलमा नेदरल्याण्डले टस जितेर फिल्डिङ गर्ने निर्णय लिएको ...

एमबाप्पेलाई मैदानमै गएर सान्त्वना दिए फ्रान्सेली राष्ट्रपतिले

एमबाप्पेलाई मैदानमै गएर सान्त्वना दिए फ्रान्सेली राष्ट्रपतिले

फ्रान्सेली स्टार स्ट्राइकर केलियन एमबाप्पेले विश्वकपको फाइनलमा ह्याट्रिक गरे पनि हार बेहोरे । साविक विजेता फ्रान्स आइतबार अर्जेन्टिनासँग पराजित भयो । फ्रान्सेली राष्ट्रपति इम्यानुअल म्याक्रोँ ...




ट्रेन्डिङ