काठमाडौं - नेपाली कांग्रेसले पार्टीआबद्ध ९ वटा भ्रातृ संघको म्याद थप गरेको छ। कांग्रेसले आज विज्ञप्ति जारी गर्दै आगामी केन्द्रीय कार्य समितिको बैठकबाट अनुमोदन हुने गरी म्याद समाप्त भएको मितिबाट ६ महिनाका लागि म्याद थप गरेको हो।

म्याद थप हुनेहरुमा नेपाल तरुण दल, नेपाल प्रजातन्त्र सेनानी संघ, नेपाल किसान संघ, नेपाल दलित संघ, नेपाल आदिवासी जनजाति संघ, राष्ट्रिय लोकतान्त्रिक अपांग संघ, नेपाल तामाङ संघ र नेपाल ठाकुर समाज छन्।

म्याद थपिएकोमा पौडेलको आपत्ति
सामाजिक सञ्जाल ट्वीटरमार्फत् उनले निर्देशानुसार भन्दै भ्रातृसंस्थाको म्याद थप्ने विज्ञप्ति जारी गराउने जस्तो निर्लज्ज कार्यले पार्टीको संगठन र आन्तरिक लोकतन्त्रको धज्जी उडाइएको टिप्पणी गरेका छन्।

उनले भनेका छन्, ‘ निहित स्वार्थका लागि पटकपटक अधिवेशन स्थगित गराउदै ल्याएर सारा भातृ संस्थाहरुको अस्थिपन्जर मात्र बाँकि राख्ने , त्यसमाथि अब आएर म्याद थप्न पार्टीको बैठकसम्म राख्न आवश्यक नठानी केवल निर्देशानुसार भन्दै नौ(नौ वटा भातृसंस्थाको म्याद थप्ने बिज्ञप्ति जारी गराउनेजस्तो निर्लज्ज कार्यले पार्टीको संगठन र यसको आन्तरिक लोकतन्त्रलाई धज्जी उडाइदैछ। लोकतन्त्रका लागि आफ्नो जीवन अर्पेर हिंडेका साथीहरू ! गम्भीर हुनुहोस्!’